30/6/17
10/6/17
27/11/16
25 de novembro 2016. Día contra a violencia de xénero.
25 novembro 2016. Convidad@s de Pedra from luz jares on Vimeo.
Participación do alumnado do EDLG e Biblioteca do IES Monte Carrasco.16/11/16
2/9/16
29/6/15
29/1/15
Día da Paz 30 de xaneiro 2015
O Día da Paz este ano será adicado a Malala, gañadora do premio Nobel da Paz en 2014 conxuntamente con Satyarthi.
O alumnado de 1º ESO presentará unha breve biografía destas dúas personaxes.
O alumnado de 2º ESO fará unha lectura dramatizada do discurso de Malala na ONU.
Ademais teremos polos corredores do centro Paneis e Interpretacións en planos de cor do retrato de Malala.
18/12/14
.jpg)
15/12/14
24/11/14
Día contra a violencia de xénero
O alumnado do EDLG do IES Monte Carrasco vai participar na proposta do CIM de Cangas “APÚNTATE AO BO TRATO”o MARTES 25 DE NOVEMBRO.
O programa será o seguinte:
- 11:00 PRAZA CONSTITUCIÓN- ESCULTURA CEIP CANGAS
- 11:15 PRAZA CAPELA HOSPITAL- COREOGRAFÍA CANCIÓN “ROMPE AS CADEAS”- CEIP ESPIÑEIRA
- 11:30 PRAZA DO CONCELLO- LECTURA MANIFESTO- COLEXIO CASA DA VIRXE.
- 11:40 PRAZA DO CONCELLO- LECTURAS DE TEXTO E CONTO "Artur e Clementina" de Adela Turín- IES MONTE CARRASCO
- 12:30 PRAZA DO SINAL- PERFORMANCE- CEIP SAN ROQUE
- 12:50 PRAZA DAS PONTES- LECTURA MANIFESTO DA CADEA HUMANA DO IES RODEIRA.
Deixámovos os textos que imos ler.
26/10/14
Teatro en Cangas
No Auditorio Municipal a ESCOLA MUNICIPAL DAS ARTES ESCÉNICAS DE CANGAS presenta: SOÑO DUNHA NOITE DE VERÁN
martes, 28 de outubro ás 21:00 horas
3/6/14
Contos Dramatizados CEIP San Roque
O alumnado de teatro de 1ºESO A-B preparou uns contos seleccionados pola Biblioteca CEIP San Roque. As obras representadas foron Chibos e Chibóns, A galiña Roxa, A vaca que puxo un ovo, Imos cazar un oso, O coelliño branco, Croco, Cocorico e O lobo feroz. O venres tivo lugar a representación para o alumnado de Infantil e Primaria. O espectáculo tivo un éxito rotundo. Velái unha mostra
Intercambio Epistolar
Ao longo deste curso 2013-2014 viñemos
desenvolvendo unha actividade denominada: Intercambio epistolar.
Esta actividade tivo varias partes:
A primeira delas consistiu en que, as
alumnas e alumnos de terceiro de ESO, se carteasen, en galego, con
alumnado doutro centro educativo: IES Carlos Casares.
Esta primeira parte resultou moi
satisfactoria, a maior parte do noso alumnado descoñecía os modos
tradicionais de comunicarnos: neste caso a carta e tiveron que
aprender as fórmulas básicas para a elaboración da carta, cubrir o
sobre co remitente e o destinatario, etc.
A seguinte parte da actividade
consistiu en establecer a comunicación entre ellas e eles a través
das novas tecnoloxías: correo electrónico ou whatsapp.
Rematou a actividade cunha visita
guiada á Illa de San Simón. Previamente, o alumnado leu o libro:
Noite de voraces sombras de Agustín Fernández Paz e, xa na
illa, os monitores organizaron unha vistita guiada e unha xincana ao
redor do libro. Esta parte resultou moi interesante porque puidemos
coñecer un pouco máis a nosa histoira e sobre todo a historia da
illa, dende o ataque dos piratas turcos, a chegada de Xulio Verne, a
construción do Lazareto marítimo, o campo de traballo, etc.
19/3/14
10/3/14
Día de Rosalía
O 24 febreiro celebramos o "Día de Rosalía". A primeira hora repartíronse rosas de papel feitas polo alumnado do centro, e unha selección de poemas.
A última hora o alumnado de 1ºESO recibíu a visita inesperada de Rosalía e do seu home, esta faloulles da súa vida e obra.
Houbo un recital de poesía tanto pola parte do alumnado como de Rosalía.
28/1/14
Día da Paz 2014
Os Paraguas de Lamb pola Paz é un proxecto artístico mundial que implica a pintura e decoración de paraguas. Os participantes en este evento: alumnos, pais, artistas plásticos, etc, deseñaron artísticamente paraguas que representan os seus valores persoais de paz mundial, seguido dun desfile no barrio. Esta é unha manifestación do esforzo individual para levar paz ao redor do mundo onde vivimos.
O paraguas é un símbolo de aceptación que inclúe a todos baixo a súa protección sen importar raza, idade, xénero ou cor. O simbolismo do paraguas é o seguinte: a tea representa a enerxía universal que conduce ás varillas que representan a forza de cada individuo. Cada varilla pode representar algo diferente para cada persoa como a familia, amigos, relixión, educación e máis.
No IES Monte Carrasco pintar un paraguas foi unha experiencia que potenciou a expresión das nosas esperanzas e os nosos soños.
3/12/13
Culturgal 2013
O venres 29 de novembro o alumnado que forma parte do grupo do EDLG e mais o alumnado de 3º de ESO fomos ao Culturgal, a feira das industrias culturais de Galicia.
O alumnado de primeiro e segundo de ESO asistiu a un obradoiro de expresión escrita e mais a un faladoiro co escritor Marcos Calveiro sobre a súa novela: Todos somos, publicada pola Editorial Xerais.
O alumnado de terceiro de ESO asistiu a dous faladoiros literarios: un a cargo de Sabela González sobre o libro Bágoa de Lúa, primeiro volume da triloxía As crónicas de Landereina, publicado por Galaxia, e o outro a cargo de Manuel Lourenzo González sobre o libro Flor de Area, publicado por Xerais.
O alumnado agasallou aos autores con senllos traballos nos que ilustraron cada un dos libros e expresaron a súa opinión persoal.
Visitaron a feira durante unha hora e puideron ver toda a produción audiovisual, literaria, gráfica, musical, etc, que se está a realizar en Galicia e en galego.
Culturgal 2013 from luz jares on Vimeo.
Suscribirse a:
Entradas (Atom)
