E por fin xa temos a nosa revista recén saidiña da imprenta, aínda queima.
23/6/10
A revista do IES Monte Carrasco
15/6/10
Estrea mundial "O Imperio contra Paca"
O vindeiro venres 18 de xuño, ás 19:30, estréanse no Auditorio de Cangas dúas superproducións audiovisuais do IES Monte Carrasco:
- O documental, "Ronseis do salitre", sobre as mulleres da conserva e Massó, realizada no PRIN co alumnado de 1º da ESO polos profesores Rosa, Xaquín e Miguel.
- A película "O Imperio contra Paca", realizado no Obradoiro de Iniciación ao Audiovisual co alumnado de 3º da ESO baixo a dirección de Miguel, coa colaboración de toda a comunidade educativa e Alféizar como colaboradores de excepción.
Aquí tedes o tráiler da película como aperitivo. Non faltedes!!!
3/6/10
Concurso de Fotografía Tecno-Matemática
A participación no III Concurso de Fotografía Tecno-Matemática foi todo un éxito, non só pola participación (37 fotografías de 22 alumnos), senón pola gran calidade das fotos. Mostra disto foi o axustado das votacións tanto do xurado como do público. Gracias a todos pola vosa participación!!!
24/5/10
Roteiro do libro
A semana pasada iniciamos no IES a actividade "O Roteiro do Libro”. Escondemos uns libros polo instituto, e cada rapaz/a tivo que coller un sobre na entrada do centro onde había unha serie de pistas que os levaron aos agasallos. A pesar da dificultade e da calor todo o alumnado atopou o seu libro.
20/5/10
Factorías da Lingua
O alumnado de 1º ESO B participa con este traballo na 2ª convocatoria do Certame "Xentes, espazos e lugares" do Proxectoterra, organizado polo Colexio oficial de arquitectos de Galicia. Con él queremos compartir a nosa visión das xentes, dos espazos e dos lugares do noso pobo, para poñer en valor o seu patrimonio conserveiro ao tempo que recuperar e promocionar o uso da nosa lingua, a lingua de Galicia.
Pantalla completa
13/5/10
Poemas de Uxío Novoneyra
Aquí tendes distintos traballos moi interesantes sobre a poesía de Uxío Novoneyra, como veredes as súas poesías tocaron o corazón de moit@s. Gozádeas!
Na Biblioteca do IES de Arzúa:
Este é un magnifico traballo do ENDL do IES Elviña d'A Coruña
E na Biblioteca do IES de Fene fan estas cousiñas:
12/5/10
La Ola (Die Welle)
Os alumnos de 4ºA viron hoxe a película alemana La Ola do director Dennis Gansel. Podedes ver a información da película na sú páxina oficial, en filmaffinity. A película está baseada en feitos reais e podedes atopar máis información e reflexións premendo aquí.
Agora toca reflexionar un pouco sobre a película, así que deixade os vosos comentarios. Para que vos inspiredes un pouco, deixo algunhas cuestións:
- Que che pareceu máis interesante da película?
- Sénteste identificado con algunha personaxe da película?
- Comprendes por que algúns estudantes se unen a "A Ola"?
- Que tiña de malo "A Ola"?
- Tiña algunha cousa boa?
- Cres que podería pasar algo parecido no mundo Occidental? E nalgún outro lugar do mundo?
7/5/10
Obradoiro de teatro
Seguimos cos ensaios. E esta semana tivemos noticias do CEIP San Roque: creo que xa fixeron os debuxos dos decorados, iremos a buscalos pronto. Tamén nos dixeron que poderemos actuar na semana do 14 de Xuño.
Aí van unhas fotografías dos ensaios:
Campaña desconxele
Reverso Comunicación Cultura e Lingua desenvolve con 2.0 Editora a campaña Desconxele. Este é un proxecto de fomento do hábito lector dirixido a mediadores de lectura (libreiros, bibliotecarios, docentes etc.) que poñemos a andar no Mes das Letras, co obxectivo de implicar a mediadores de lectura na súa función de estímulo do gusto pola lectura.
2/5/10
Caderno de bitácora da excursión a Barcelona
Día 1:
O pasado venres 19 de marzo os alumnos de 4º da ESO saímos, xunto con Álex e Luis, cara Barcelona, cheos de ilusión e ganas de pasalo ben.
Cando chegamos o albergue, no Passeig de Gracia, quedamos abraiados: futbolín na sala común, cíber, habitacións con vistas xeniais… Desfixemos as maletas e saímos dar una volta.
Baixamos polas Ramblas, gozando da alegría que se respiraba aquel venres pola noite, e admirando a tódolos artistas que alí estaban. Chegamos ata o Maremagnum, onde ceamos e tivemos tempo libre. Logo, voltamos ó albergue.
Día 2:
Á mañá seguinte, despois de moi poucas horas de sono, saímos cara ó MNAC (Museo Nacional de Arte de Cataluña), no que tivemos una visita guiada, e ó rematar, fomos comer algo, e pola tarde visitamos a Sagrada Familia, na que algún subimos ata arriba, e logo tivemos algo de tempo libre.
Despois de cear voltamos ó albergue, onde continuamos divertíndonos.
Día 3:
Despois dunha noite algo máis tranquila, a mañá do domingo fomos visitar a Pedrera, que nos sorprendeu polo seu luxo, e despois de andar un pouco máis por Barcelona fomos comer. Ó rematar, voltamos ó albergue a cambiarnos para ir ó Bosc Urbá, un recinto de tirolinas, redes e demais no que o pasamos xenial. Despois regresamos ó albergue, onde ceamos e, despois de moitas partidas ó futbolín e risas, coma o resto dos días, fomos ás habitacións.
Día 4:
O luns pola mañá fomos ao cine Imax a ver unha película en 3D: Wild Ocean 3D, na que algún aproveitou para durmir un rato. Logo comemos polo Maremagnum, onde tivemos tempo libre.
Logo visitamos o zoo, no que vimos un espectáculo xenial de delfíns, e logo miramos algúns dos outros animais (tigres, leóns mariños, elefantes…)
Cando nos botaron de alí, como aínda era cedo e non había ninguén que nos alugase unha barca no lago do parque, fomos ata Monjuic en funicular e teleférico, e alí vimos o castelo por fóra, e tamén os preciosos arredores. Ó baixar perdémonos, e despois de andar durante un bo rato, collemos o bus e fomos ata as Ramblas. Despois de cear, fomos ata ó albergue a preparar a festa de aniversario de Brais, na que o pasamos xenial.
Día 5:
Pola mañá fomos ó Parc Güel, que a todos nos pareceu moi bonito, e no que o pasamos ben escoitando ós músicos e paseando.
Despois fomos comer ao importante restaurante Les 4 Gats, e despois algún fomos dar unha volta por Barcelona en bici, na que o pasamos xenial, e logo tivemos tempo de compras polo barrio gótico antes de ir ver o musical de “Hoy no me puedo levantar” que a todos nos encantou e que nos resultou moi entretido.
Cando rematou o musical fomos cear, e logo de volta ó albergue.
Día 6:
Como último día en Barcelona, pola mañá fomos ó Museo das Ciencias, no que pasamos un moi bo rato, e logo tivemos tempo libre para comer, dar unha volta e facer as últimas compras polas Ramblas.
Pola tarde fomos á pista de xeo do Camp Nou, no que houbo risas, caídas e moita diversión.
Despois fomos comprar uns bocadillos e cara ó Camp Nou, preparados para ver o partido Barça-Osasuna.
Despois fomos para ó albergue, con ganas de pasalo xenial a última noite.
Día 7:
Desgraciadamente, o día da volta chegou demasiado pronto, aínda que iso significase que pasáramos uns días xeniais que nunca esqueceremos.
Pola mañá fixemos as nosas maletas e abandonamos o albergue para colle-lo tren que nos levou ao aeroporto de Barcelona, onde deixamos atrás a cidade que tan bos momentos nos fixo vivir.
O pasado venres 19 de marzo os alumnos de 4º da ESO saímos, xunto con Álex e Luis, cara Barcelona, cheos de ilusión e ganas de pasalo ben.
Cando chegamos o albergue, no Passeig de Gracia, quedamos abraiados: futbolín na sala común, cíber, habitacións con vistas xeniais… Desfixemos as maletas e saímos dar una volta.
Baixamos polas Ramblas, gozando da alegría que se respiraba aquel venres pola noite, e admirando a tódolos artistas que alí estaban. Chegamos ata o Maremagnum, onde ceamos e tivemos tempo libre. Logo, voltamos ó albergue.
Día 2:
Á mañá seguinte, despois de moi poucas horas de sono, saímos cara ó MNAC (Museo Nacional de Arte de Cataluña), no que tivemos una visita guiada, e ó rematar, fomos comer algo, e pola tarde visitamos a Sagrada Familia, na que algún subimos ata arriba, e logo tivemos algo de tempo libre.
Despois de cear voltamos ó albergue, onde continuamos divertíndonos.
Día 3:
Despois dunha noite algo máis tranquila, a mañá do domingo fomos visitar a Pedrera, que nos sorprendeu polo seu luxo, e despois de andar un pouco máis por Barcelona fomos comer. Ó rematar, voltamos ó albergue a cambiarnos para ir ó Bosc Urbá, un recinto de tirolinas, redes e demais no que o pasamos xenial. Despois regresamos ó albergue, onde ceamos e, despois de moitas partidas ó futbolín e risas, coma o resto dos días, fomos ás habitacións.
Día 4:
O luns pola mañá fomos ao cine Imax a ver unha película en 3D: Wild Ocean 3D, na que algún aproveitou para durmir un rato. Logo comemos polo Maremagnum, onde tivemos tempo libre.
Logo visitamos o zoo, no que vimos un espectáculo xenial de delfíns, e logo miramos algúns dos outros animais (tigres, leóns mariños, elefantes…)
Cando nos botaron de alí, como aínda era cedo e non había ninguén que nos alugase unha barca no lago do parque, fomos ata Monjuic en funicular e teleférico, e alí vimos o castelo por fóra, e tamén os preciosos arredores. Ó baixar perdémonos, e despois de andar durante un bo rato, collemos o bus e fomos ata as Ramblas. Despois de cear, fomos ata ó albergue a preparar a festa de aniversario de Brais, na que o pasamos xenial.
Día 5:
Pola mañá fomos ó Parc Güel, que a todos nos pareceu moi bonito, e no que o pasamos ben escoitando ós músicos e paseando.
Despois fomos comer ao importante restaurante Les 4 Gats, e despois algún fomos dar unha volta por Barcelona en bici, na que o pasamos xenial, e logo tivemos tempo de compras polo barrio gótico antes de ir ver o musical de “Hoy no me puedo levantar” que a todos nos encantou e que nos resultou moi entretido.
Cando rematou o musical fomos cear, e logo de volta ó albergue.
Día 6:
Como último día en Barcelona, pola mañá fomos ó Museo das Ciencias, no que pasamos un moi bo rato, e logo tivemos tempo libre para comer, dar unha volta e facer as últimas compras polas Ramblas.
Pola tarde fomos á pista de xeo do Camp Nou, no que houbo risas, caídas e moita diversión.
Despois fomos comprar uns bocadillos e cara ó Camp Nou, preparados para ver o partido Barça-Osasuna.
Despois fomos para ó albergue, con ganas de pasalo xenial a última noite.
Día 7:
Desgraciadamente, o día da volta chegou demasiado pronto, aínda que iso significase que pasáramos uns días xeniais que nunca esqueceremos.
Pola mañá fixemos as nosas maletas e abandonamos o albergue para colle-lo tren que nos levou ao aeroporto de Barcelona, onde deixamos atrás a cidade que tan bos momentos nos fixo vivir.
Iria Pin
1/5/10
30/4/10
Recital de poesía 2010
O xoves, ás 10 da mañà entre nervios e mesmo lágrimas comenzamos o noso 2º recital de poesía, para moitos era a primeira vez que se enfrontaban á experiencia de recitar en público.
O tema do recital era "A Natureza", polo que os distintos departamentos colaboraron coa súas achegas. Oíronse as voces de Verlaine, Rimbaud, Victor Hugo, Florbela Espanca, Sophia de Mello Breyner Andresen, Marta da Costa, Fiz Vergara Vilariño, Uxío Novoneyra, Emily Dickinson, Thomas Moore, Robert Graves, Manuel María, Xavier Seoane, Luís Amado Carballo.
Felicitar a todo ao alumnado que participou! Foi todo un éxito.
Aí vai unha escolma de fotos
27/4/10
Viaxe a Xinzo 26 de abril
Onte,26 de abril,o alumnado do grupo de "relacións exteriores" do IES Monte Carrasco devolvemos a visita aos compañeiros do IES Lagoa de Antela de Xinzo.
A verdade que foi unha xornada moi intensa, xa que dende que chegamos ás 10h30 non paramos ni un minuto. Descubrimos unha terra chea de lendas: Río do esquemento, a cidade de Antioquía,os subterráneos entre as torres.
Fomos a Lodoselo ao CDR O Viso onde aprendemos a amasar e a facer o pan, despois estivemos practicando xogos populares(os zancos,a ra...) e fixemos un xogo de orientación , pola tarde xa, estivemos en Sandiás no museo da Lagoa de Antela, onde soubemos como se fixo o recheo e coñecemos toda a flora e fauna da zona.
Visitamos a vila de Xinzo, e entre abrazos e lágrimas tivemos que voltar a Cangas.
Moitas grazas por todo foi un día que gardaremos con moi bo recordo.
Esperamos que o ano que ven poidamos emprender outro proxecto xuntos.
Se queredes ver a páxina do Blog do Endl, pinchade:
Fotos dos amigos de Xinzo:
25/4/10
A Rubalcaba gústalle "A praia dos afogados" de Domingo Villar
Aínda non liches A praia dos afogados? Unha historia de suspense nas Rías Baixas que engancha... Ata o ministro se deixou seducir polo inspector Leo Caldas.
24/4/10
Día do libro no IES Monte Carrasco
Onte 23 de abril, día do libro, estivo o escritor Xosé Vázquez Pintor no instituto facendo un obradoiro literario para o alumnado de 2º e 4º ESO. Ademais presentounos o seu último libro "A folla seca" que ten uns preciosos debuxos de María Sánchez Lires.
Explicoulle ao alumnado que "a literatura se nutre das experiencias da vida e que un autor non pon as palabras de forma casual, por exemplo, cando aparece o número 7 no conto fai referencia ás antigas sete capitais galegas", tamén nos explicou que "os fonosimbolismos que utiliza son para suxerir sensacións e emocións: o bico da boca do vento."
Tróuxonos de agasallo unhas ramas de buxo, árbore que fai referencia á esencia galega, ás pezas da gaita, aos paos das palilleiras, á resistencia, á música. A verdade é que sería unha boa idea dar como agasallo o día do libro unha poliña de buxo.
A TVG no IES MONTE CARRASCO
O mércores estiveron os do programa de "BEN FALADO" da galega gravando o noso alumnado coas súas avoas nos arredores da fábrica de Massó. Comentaron a súa experiencia na investigación que están levando a cabo na súa materia de PRIN (Proxecto Interdisciplinar de 1ºESO) que versa sobre os traballos da factoría baleeira e conserveira en Cangas. Centrándose no aspecto léxico, fixeron referencia a palabras como "velar", "chopes", "traballar ao marraxo", "trochar", "escunchar"..... e mesmo explicaron o significado do topónimo "Punta Balea". Foi unha experiencia moi interesante para todos. Esperamos ver en breve o programa.15/4/10
Ensaios de Teatro
O grupo de teatro do IES Monte Carrasco segue cos seus ensaios. Onte fixemos as primeiras lecturas da obra que imos representar.
Despois de recibir a carta do alumnado do CEIP de SAN ROQUE e de ler os contos que nós mandaron, decidímonos por "O león que non sabía escribir"
Suscribirse a:
Entradas (Atom)
